في بيت كل لبناني تفاصيل متشابهة… هاشتاغ يوحّد اللبنانيين في زمن الانقسام
#بكل_بيت_لبناني هاشتاغ أظهر كم أنّ اللبنانيين يشبهون بعضهم البعض
#بكل_بيت_لبناني هاشتاغ احتلّ صدارة التراند على “تويتر” في لبنان وأشاع جواً من البهجة.
في هذا الهاشتاغ يسرد اللبنانيون دون أن يقصدوا كم أنّهم متشابهون، وكم أنّ منازلهم وجدرانها تضمّ الذكريات ذاتها، والتقاليد والعادات ذاتها، وكم أنّ أمهاتنا متشابهات.
الأغراض التي نمتلكها كلّنا
ثمّة أغراض نمتلكها كلّنا، أقلّه في منازل أهالينا، من صحون روميو وجولييت، وعلبة البسكويت التي تحوّلت إلى علبة خياطة، الأكياس تحت فرشة التخت، والصينيّة خلف حنفيّة المطبخ، ونصف الحامضة في البرّد، وغيرها الكثير…
#بكل_بيت_لبناني pic.twitter.com/f0nVelKpzR
— Yarah? (@yarachaaya) October 26, 2020
#بكل_بيت_لبناني في علبة بسكويت صارت علبة خياطة? pic.twitter.com/NfxeezV5be
— Sarazaidnour?? (@Sarazaidnour) October 26, 2020
#بكل_بيت_لبناني في فيترين بقلبها كبايات ما بحياتنا شربنا ولا رح نشرب فيهن
— Rebecca (@Rebeccabikhalil) October 26, 2020
#بكل_بيت_لبناني في صورة معلّقة عالحيط، يا ريت بيرجع صاحبها.
— Emmanuel (@KartoffelToBe) October 26, 2020
#بكل_بيت_لبناني فيه هيدا الفنجان القهوة pic.twitter.com/jtC4GG5nEN
— Samer Barakat (@samerbarakat83) October 26, 2020
#بكل_بيت_لبناني و تحديداً بكل مطبخ في هل ظواهر.. و يمكن نفس البلاط? pic.twitter.com/o0OECV9PUj
— Mariam Karam (@mariamkrm) October 26, 2020
#بكل_بيت_لبناني تجميع الكياس العادية بالمطبخ أما كياس الماركات بتلاقوهن تحت فرشة التخت.
— Rayane ?? (@RayaneNamour) October 26, 2020
#بكل_بيت_لبناني في مرطبان nutella صار مرطبان كبس زيتون
— Luigi (@luigiyamin_) October 26, 2020
#بكل_بيت_لبناني في نص حامضة بباب البراد pic.twitter.com/afC8r7PS5z
— Fidel – فيدل (@Fidelhasan1) October 26, 2020
للأمهات حصّة
لنبع الحنان حصّة كبيرة من تغريدات المغرّدين، هي التي تمسك بيدها ملعقة المطبخ كأداة تربية، وهي التي تهدّد الأولاد بأنّها سـ”تطفش” من المنزل، وهي تعدّ على أولادها كم دقيقة يحملون الهاتف، وهي التي تشغّل المكنسة الكهربائيّة يوم الأحد عند الثّامنة صباحاً.
#بكل_بيت_لبناني في أم قالت ” ما بتعرفوا ايا ساعة بترك البيت و ما حدا بيعرف وين بروح”
— Luigi (@luigiyamin_) October 26, 2020
#بكل_بيت_لبناني في ملعقة خشب معلمي عجنابكن?#نبع_الحنان
— Eddy Al-Semaani (@Eddysemani) October 26, 2020
#بكل_بيت_لبناني في أم و بيي ولا أحن من هيك بيحرمو حالن كرمال ولادن
— Al Lakkis (@lakkis12) October 26, 2020
#بكل_بيت_لبناني الإم بتحب كل الولاد متل بعض و الدليل? pic.twitter.com/5wJPDMoKtE
— ٱڵب؏ڵبڪې ?? (@albaalbaky) October 26, 2020
#بكل_بيت_لبناني بتلاقي امك عمتمسح الغبرة ببوكسر خيك او بروتال بيك
— Heba (@He_ba_itani) October 26, 2020
#بكل_بيت_لبناني في ام كل سنة هي وعم تنزل الشتوي بتطلّع جاكيت من سنة ال ٩٠ وبتقول “شو بوووو هيدا ليش ما بتلبسي؟؟”
— Mαɾყ (@Mary__G_) October 26, 2020
#بكل_بيت_لبناني
فيه #أم حنونة لازم كل يوم تقول رح هج منكن ?
الله يخلي امهات الجميع ?❤️— Om Mohammed (@Fbazzi4) October 26, 2020
للشهداء والمغتربين حصّة
لأنّ للبناني حتّى في أوقات الفرح غصّة، لم تغب صور الشهداء الذي غادروا قسراً، والمغتربين الذي أرغموا على الهجرة من بلدهم، لكل منهم صورة على حائط، وأهل لا يملكون سوى الدموع، وانتظار اللقاء.
#بكل_بيت_لبناني في خي و بي و عمتو وخالو مسافرين و في ام محرومة من ابنها و كل يوم ما بتنام بلا ما تنزل دمعتها على مخدته
في تخت فاضي ممنوع حدا ينام فيه لانه “هيدا لخيكن بس يرجع بده ينام فيه”— Jad (@IamSergeyy) October 26, 2020
#بكل_بيت_لبناني في صورة معلّقة عالحيط، يا ريت بيرجع صاحبها.
— Emmanuel (@KartoffelToBe) October 26, 2020
#بكل_بيت_لبناني في صورة شخص غايب…
او مغترب وتارك أهلو، أو شهيد وطنو وشعبو ? pic.twitter.com/BBEXJI0WpU— Anthony (@anthonygh89) October 26, 2020
السياسيون في بيت كل لبناني
لم يغب السياسيون عن اهتمامات اللبنانيين، فوضع البعض صورة زعيمه التي يعلّقها على جدار منزله، وكلّ نظم في زعيمه الأشعار.
#بكل_بيت_لبناني في الإمام موسى الصدر pic.twitter.com/qesSqFXl5h
— R.Tl ?? (@Tlaiss_R) October 26, 2020
#بكل_بيت_لبناني بينسب جبران باسيل بس تروح الكهربا??
— Sarazaidnour?? (@Sarazaidnour) October 26, 2020
#بكل_بيت_لبناني في حِلم الجمهورية القوية❤ pic.twitter.com/8tuIZYOkoE
— Lilianenehme (@Lilianenehme1) October 26, 2020
#بكل_بيت_لبناني حرّ ومقاوم،
هذا الرجل المقاوم الأمميّ المقدسيّ، pic.twitter.com/N47Kdv54eH— الهبّة ♧ البني (@H_Lbnny) October 26, 2020
#بكل_بيت_لبناني سيرة #سعد_الحريري ❤️ https://t.co/ZoUjPnbSNg
— Saraa Dandachi (@SaraaDandachi3) October 26, 2020
للمعاناة أيضاً حصّة
يمرّ اللبناني اليوم بواحدة من أصعب المراحل، كل ما حوله يدفع للإحباط. ففي بيت كل لبناني تنقطع الكهرباء، وفي بيت كل لبناني يهجم كورونا ولا يرحم أحداً.
#بكل_بيت_لبناني بتنقطع الكهرباء.
— carine salameh (@SalamehCarine) October 26, 2020
#بكل_بيت_لبناني صار في مصاب بالكورونا تقريباً . انتبهوا يا جماعة
— 961iceberg ??? (@961iceberg) October 26, 2020
#بكل_بيت_لبناني
في اتنين disjoncteur
واحد للموتور واحد للدولة pic.twitter.com/vL5Yt8mZfD— Joy ?♀️ (@Joanna_MDaher) October 26, 2020
